Marşrutda qadının telefonunu oğurlayanlardan heroin tapıldı

Bakıda oğurluq etdiyi üçün saxlanılan şəxsin üzərinə baxış zamanı narkotik vasitə aşkarlanıb.

Avtosfer.az xəbər verir ki, bu barədə Daxili İşlər Nazirliyindən “qafqazinfo”ya verilən məlumata görə, mayın 2-də Nəsimi rayonu ərazisində 83 N-li xətt avtobusunda Bakı şəhər sakini Nigar Əhmədovanın çantasından pul və sənədlər oğurlanıb.

Nəsimi RPİ 20-ci PB əməkdaşlarının həyata keçirdikləri əməliyyat-axtarış tədbirləri nəticəsində hadisəni törədən həmyerliləri, əvvəllər məhkum olunmuş Səbuhi Hüseynov və Ceyhun Seyidbəyov tutulublar.

C.Seyidbəyovdan 1,251 qram, S.Hüseynovdan isə 1,574 qram heroin götürülüb.