Masallı-Yardımlı yolunda problem yaşandı - FOTO

Ötən gün axşam saatlarında intensiv yağıntılar nəticəsində Masallı rayonunda dağ yamaclarında baş vermiş sürüşmə nəticəsində axan torpaq və bitki qatı Masallı-Yardımlı avtomobil yolunun 17, 19, 21, 24 və 29-cu km-lərində yolun hərəkət hissəsinə tökülüb. Nəticədə yolda hərəkətdə müəyyən çətinliklər yaranıb. Bu barədə Avtosfer.az-a "Azəravtoyol" ASC-dən məlum verilib. Bildirilir ki, əraziyə dərhal "Azəravtoyol" ASC-nin əməkdaşları və ağır texnikası cəlb olunub.

Qısa müddət ərzində yol torpaq və bitki qatından təmizlənərək avtonəqliyyat vasitələrinin normal hərəkəti təmin olunub.

Emin