Masallıda avtobusların akkumulyatorları oğurlanıb - FOTO

Masallıda 22 saylı marşrut xəttində fəaliyyət göstərən bütün avtobusların akkumulyatorları oğurlanıb. Avtosfer.az xəbər verir ki, bunu APA-ya həmin avtobuslardan birinin sürücüsü Röyal Həsənov bildirib. Səhər saatlarında işə çıxan sürücülər avtobus dayanacağında Masallı-Boradigah marşrutunda fəaliyyət göstərən  9 avtobusun hamısının  akkumulyatorunun oğurlandığını görüblər. Dəyən zərərin miqdarı ümumilikdə 1350 manatdır. Masallı rayon Polis Şöbəsində faktla bağlı araşdırma aparılır.