Maşın bazarında yanğın - Video

Badamdarda yerləşən maşın bazarında yanğın hadisəsi baş verib. Avtosfer.az-ın baku.ws-ə istinadən məlumatına görə, hadisənin görüntüləri sosial şəbəkədə paylaşılıb. Görüntülərdən aydın olduğu kimi bazarı tüstü bürüyüb. Kadrlarda yanğının miqyasının böyük olduğu müşahidə edilir. Yanğın bazarın maşınlar olmayan hissəsində, otluq ərazidə qeydə alınıb. 

Yanğın zamanı avtomobillərə ziyan dəyməyib. Hadisə yerinə yanğınsöndürən maşınlar cəlb olunub və yanğının qarşısı alınıb.