Maşın oğrusu saxlanıldı: "İçkili idim, maşını qoydum qaçdım" - FOTO+VİDEO

Sabunçu Rayon Polis İdarəsi 12-ci Polis Bölməsi əməkdaşları Cəmilova məxsus avtomobili qaçırmaqda şübhəli bilinən paytaxt sakini Elşən Bağırovu saxlayaraq istintaqa təhvil veriblər. Avtosfer.az arbtv-yə istinadən xəbər verir ki, məlumata əsasən, o, daha öncə Sabunçu rayonu ərazisində yol polisi tərəfindən saxlanılıb, ancaq maşını orada qoyaraq qaçıb. Saxlanılan şəxs ifadəsi zamanı nəqliyyat vasitəsini sürmək məqsədi ilə qaçırdığını deyib.

Saxlanılan şəxs Elşən Bağırov: "Maşını işə saldım, içkili idim. Xeyli sürdüm, polis işçiləri arxamca düşdü. Maşını qoydum qaçdım".

Faktla bağlı cinayət işi başlanılıb, araşdırmalar davam etdirilir.