Maşın piyada keçidinə çırpılıb - Ölən və yaralananlar var

ABŞ-ın Cənubi Dakota ştatının Alçester şəhərində avtomobil piyada keçidinə çırpılıb. “Qafqazinfo”nun “Associated Press”ə istinadən verdiyi məlumata görə, hadisə nəticəsində 2 nəfər ölüb, sürücü də daxil olmaqla 8 nəfər xəsarət alıb.  İnsident şəhər reabilitasiya mərkəzinin yaxınlığında baş verib. Polis hadisənin qəsdən törədildiyini hesab etmir.

Faktla bağlı araşdırmalar aparılır.