Maşın piyadanı vurub avtobusun altına atdı - FOTO

Sentyabrın 22-də, axşam saatlarında paytaxtın "Beşmərtə" adlanan ərazisində bir nəfər piyadanın xəsarət alması ilə nəticələnən yol-nəqliyyat hadisəsi baş verib. Hadisə şahidlərinin sözlərinə görə, yolu piyadaların keçməsi üçün qadağan edilən yerdən keçmək istəyən piyada Piriyev Elxan Eynulla oğlunu hələlik dövlət qeydiyyat nişanı və markası məlum olmayan minik avtomobili vurub. Daha sonra piyada yolda saatda 30 km sürətlə hərəkət edən avtobusa dəyərək yerə yıxılıb. Bakı Nəqliyyat Agentliyindən Avtosfer.az-a bildirilib ki, piyada Piriyev Elxan Eynulla oğlu bəzi informasiya saytlarının təqdim etdiyi kimi, sərnişin avtobusu tərəfindən vurulmayıb və faktın təhrif edilərək “Sərnişin avtobusu piyadanı vurdu” başlığı ilə təqdim edilməsi doğru deyildir.

Emin