Maşın qaçıran şəxslərə hökm oxundu - Bakıda

Bu gün Bakı Ağır Cinayətlər Məhkəməsində oğurluqda təqsirləndirilən İkram Əliyev və Əhmədağa Cəbrayılovun cinayət işi üzrə məhkəmə prosesi başa çatıb.

Avtosfer.az apa-ya istinadən xəbər verir ki, hakim Əlisultan Osmanovun sədrliyi ilə keçirilən prosesdə hökm oxunub.

Hökmə əsasən, İ. Əliyev və Ə. Cəbrayılov hər biri 3 il müddətinə azadlıqdan məhrum ediliblər.

Qeyd edək ki, Bakı şəhəri Baş Polis İdarəsinin Təhlükəsiz Şəhər Xidməti (TŞX), Nərimanov rayon 17-ci Polis Bölməsi  - TŞX və Salyan rayon Polis Şöbəsinin əməkdaşlarının birgə keçirdikləri əməliyyat-axtarış tədbirləri nəticəsində, oktyabrın 25-nə keçən gecə Talıb Şirinova məxsus «KamAZ» markalı avtomobili qaçırmaqda şübhəli bilinən Salyan rayon sakinləri - 1978-ci il təvəllüdlü İkram Əliyev və 1991-ci il təvəllüdlü Əhmədağa Cəbrayılov avtomobillə birlikdə tutulublar.