Maşından düşən sərnişini digər avtomobil vurub

Bakıda avtomobildən düşən sərnişini digər avtomobil vurub. Avtosfer.az-ın xəbərinə görə, bu barədə Daxili İşlər Nazirliyinin (DİN) rəsmi saytı məlumat yayıb. Məlumata görə, aprelin 26-da saat 8 radələrində Qaradağ rayonu ərazisində Şirvan şəhər sakini Asəf Əzizov idarə etdiyi “QAZ-24” markalı avtomobillə yolun kənarında dayanan Hacıqabul rayon sakini Rais Nəzərova məxsus “VAZ-21154” markalı avtomobili və bu zaman avtomobildən düşən sərnişin Mahir Quliyevi vurub. Xəstəxanaya yerləşdirilən M.Quliyev orada ölüb.

Faktla bağlı Baş Dövlət Yol Polisi İdarəsi (BDYPİ) araşdırma aparır.

Elmin