Maşından tapılan əlil uşaqdan YENİ XƏBƏR - VİDEO

Bakıda avtomobildən aşkarlanan fiziki məhdudiyyətli azyaşlı valideynlərinə təhvil verilib. Bunu Avtosfer.az-a açıqlamasında Daxili İşlər Nazirliyinin Mətbuat Xidmətinin inspektoru, polis mayoru Anar Qafarov bildirib. Hadisə Xətai rayonu ərazisində yerləşən Gənclik parkında qeydə alınıb. Belə ki, valideynlər fiziki məhdudiyyətli azyaşlını qapıları bağlı avtomobildə tək qoyaraq gediblər. Ərazidə olan vətəndaşlar polisə müraciət ediblər. “Vətəndaşların müraciəti əsasında polis əməkdaşları əraziyə yaxınlaşıb və fiziki məhdudiyyətli uşağın avtomobildə tək qaldığını görüblər. Uşaq avtomobildən çıxarılıb və təhlükəsizliyi təmin etdikdən sonra valideynləri tapılaraq təhvil verilib. Valideynlər bildirib ki, əvvəlcə uşağı parkda gəzdiriblər, sonra avtomobilə qoyaraq özləri gəzintilərini davam etdiriblər”, - A.Qafarov bildirib.