Maşının yuyulması üstündə düşən dava ölümlə nəticələndi - VİDEO

Küçədə avtomobilin yuyulması üstündə dava qətllə nəticələnib. Avtosfer.az-ın məlumatına görə, hadisə ötən gecə paytaxtın Nizami rayonu, Qara Qarayev prospekti 62 ünvanında baş verib. 52 yaşlı Məmmədov Yaşar Məmməd oğlu qonşuluğunda kirayədə yaşayan 3 gənclə mübahisə edib. Mübahisə o həddə çatıb ki, tərəflər əlbəyaxa dava ediblər. Əraziyə Nizami rayon hüquq-mühafizə orqanlarının əməkdaşları gələrək araşdırmalara başlayıblar. Mərhumun qardaşının sözlərinə görə, hadisə küçədə avtomobilin yuyulması üstündə baş verib.

Mərhumun qardaşı deyir ki, Ağcabədi rayonundan olan həmin 3 nəfər 4 ay imiş ki, Yaşar Məmmədovun qonşusunun evində kirayədə yaşayırmışlar.

Faktla bağlı Nizami Rayon Prokurorluğunda cinayət işi başlanılıb. Hadisəni törədənlər və iştirakçılar axtarışdadır.