Maşınlara və qadınlara hücum edən quldurlar peyda olub? - RƏSMİ AÇIQLAMA

Bakı Şəhər Baş Polis İdarəsi bəzi saytlarda soyğunçuluq hallarının atması və yeni quldur dəstələrinin yaranması barədə yayılan xəbərlərə münasibət bildirib. İdarədən Avtosfer.az-a bildirilib ki, son günlərdə bəzi internet-qəzetlərdə Bakıda yeni quldur dəstəsinin peyda olması, gecələr küçələrdə park edilmiş maşınlara, toydan çıxan qadınlara hücum etməsi, quldurluq və soyğunçuluq hadisələri törətməsi barədə təsdiq olunmamış, cəmiyyətdə əsassız panika yaratmağa yönəlmiş məlumatlar yayılıb: "Bildiririk ki, əvvəla, bunlar ayrı-ayrı epizodlarda baş verən və ayrı-ayrı adamlar tərəfindən törədilən quldurluq və soyğunçuluq hadisələridir. Bu istiqamətdə daxil olmuş şikayətlər əsasında konkret hadisələrlə bağlı cinayət işləri qaldırılıb və əksəriyyəti isti izlərlə açılıb, şübhəli şəxslər məsuliyyətə cəlb olunub. Hazırda əməliyyat-istintaq işləri davam etdirilir.

Bakı Şəhər baş Polis İdarəsi bu cür yoxlanılmamış məlumatların cəmiyyətdə əsassız çaşqınlıq yaratmağa xidmət etdiyini və əldə olunmuş məlumatların yayımdan əvvəl bir neçə mənbədə yoxlanılmasının vacibliyini bir daha xatırladır.

Elmin