Məhkəmədə dava düşdü: 2 polis yaralandı - Daşkəsəndə

Daşkəsən rayonunda məhkəmədə dava düşüb. Avtosfer.az "Report"a istinadən xəbər verir ki, hadisə hakim Tofiq Məmmədovun sədrliyi ilə Daşkəsən Rayon Məhkəməsində keçirilən hazırlıq iclası zamanı qeydə alınıb.

Cinayət Məcəlləsinin 221.2.2 (xuliqanlıq) maddəsi ilə mühakimə olunan Daşkəsən rayonu, Qazaxyolçular kənd sakini Bəhman Nuru oğlu Abbasov hakimin həbs qərarı ilə razılaşmayaraq məhkəmə işçilərinə təzyiq göstərib. Nəticədə onun məhkəmə salonundan çıxarılması üçün əlavə polis qüvvələri çağırılıb.

Ancaq B.Abbasov bu dəfə də Daşkəsən Rayon Polis Şöbəsinə getməmək üçün polislərlə əlbəyaxa olub. Ancaq polis əmakdaşları onu məhkəmə salonundan çıxarmağa və şöbəyə aparmağa nail olublar. Nəticədə 2 polis əməkdaşının xəsarət aldığı bildirilir.

Faktla bağlı araşdırma aparılır.