Meksikada toqquşmalar başladı - Narkokartel liderinin ölümündən sonra

Meksikanın Tamaulipas ştatında Reynosa şəhərini kütləvi yolların bağlanılması və yanğınlar bürüyüb. Avtosfer.az-ın Trend-ə istinadən verdiyi məlumata görə, toqquşmalar hərbiçilər tərəfindən "Körfəz" narkokartelin liderlərindən biri Xulian Loysa Salinası aradan qaldırıldıqdan sonra başlayıb. "Komandante Öküz" ləqəbli Loysa Reynosa şəhərində şənbə günü səhər tezdən hərbiçilər tərəfindən güllələnib. O, Tamaulipasda ən çox axtarışda olan cinayətkarlar sırasına daxil idi.