Məşhur futbolçu sevgilisinə "Porsche" hədiyyə etdi - FOTO

"Fənərbaxça"nın futbolçusu Miroslav Stok nişanlısını gözlənilməz hədiyyə ilə sevindirib. Avtosfer.az istipress-ə istinadən xəbər verir ki, slovakiyalı yarımmüdafiəçi model nişanlısı Pauli Bedzetiovaya avtomobil alıb. O, gələn ay övladını dünyaya gətirəcək sevgilisinin əhval-ruhiyyəsini artırmaq üçün ona 80 min avroluq "Porsche" avtomobili hədiyyə edib. Sevincini sosial şəbəkə vasitəsilə bölüşən çexiyalı Bedzetiova avtomobilin şəklini paylaşıb və 28 yaşlı futbolçuya təşəkkür edib: "Nə gözəl hədiyyədir. Çox sevindim. Təşəkkür edirəm, həyatım". Qeyd edək ki, Pauli Bedzetiova model olmaqla yanaşı, rəqs və fitnesslə də yaxından maraqlanır.