Məşhur iş adamının oğlu oğurlandı: Avtomobili yandırılmış halda tapıldı – FOTO+VİDEO

Antaliyada keçmiş bələdiyyə üzvü və iş adamı İsmail Ertenin oğlu Süleyman Ertenin silahlı bir şəxs tərəfindən qaçırıldığıyla bağlı polisə məlumat verib. Avtosfer.az milli.az-a istinadən xəbər verir ki, Aksu rayon Təhlükəsizlik İdarəsinə gələn iş adamı Erten 29 yaşlı oğlu Süleyman Ertenin dünən saat 10.00-dan bu yana xəbər ala bilmədiyini deyib. Ertenin müraciəti sonrası Antalya Təhlükəsizlik İdarəsinin əməkdaşları əməliyyata başlayıblar.

Bu məqamda Korkuteli qəsəbəsi Naldöken yolunda bir cipin yandığını görən vətəndaşlar, vəziyyəti xilasetmə və polis qruplarına bildirib. Hadisə yerinə gələn polislər, avtomobilin Süleyman Ertenə aid 06 FY 2514 nömrəli cip olduğunu müəyyən ediblər. Yanğın söndürüldükdən sonra avtomobildə cəsəd olmadığı təsbit edilib. Erten oğlunun Aksu qəsəbəsinin Topallı kəndində 06 FY 2514 qeydiyyat nişanlı cipinə minərkən silahlı Ş.K. tərəfindən qaçırıldığını deyib. Oğlunu qaçıran adamın onlarla heç bir əlaqə qurmadığını yazan Erten: "Niyə qaçırıldığını bilmirəm. Oğlumla arasında bir problem varmı, onu da bilmirəm. Polis qrupları oğlumun izin tapmaq üçün çalışır. Ümid edirəm ki, bunu edənlər cəzasını çəkər", - deyib.