Metro bağlandı, muzey boşaldıldı

Fransanın paytaxtı Parisdə silahlı qarşıdurma olub. Avtosfer.az axar.az-a istinadən xəbər verir ki, Luvr Muzeyinin qarşısında patrul vəzifəsini icra edən əsgər bıçaqlı bir şəxsin hücumuna məruz qalıb. Əsgər atəş açaraq, onu hadisə yerindəcə zərərsizləşdirib. Ağır yaralanan təcavüzkar xəstəxanaya yerləşdirilib. Ərazidəki metro stansiyalarının fəaliyyəti dayandırılıb, muzey boşaldılıb. Polis cinayətkarın terrorçu olması ehtimalı əsasında araşdırma aparır.