Metro “Qarabağ”a görə gücləndirilmiş iş rejiminə keçir

“Qarabağ” – “Atletiko” oyunu ilə əlaqədar “Bakı Metropoliteni” QSC gücləndirilmiş iş rejimində çalışacaq. Avtosfer.az xəbər verir ki, bunu AzVision.az-a “Bakı Metropoliteni”QSC-nin Mətbuat xidməti və ictimaiyyətlə əlaqələr şöbəsinin rəisi Nəsimi Paşayev deyib. O bildirib ki, gücləndirilmiş iş rejimi bütün stansiyalarda tətbiq olunacaq. Paşayev qeyd edib ki, sərnişinlərin təhlükəsiz daşınması üçün bütün zəruri tədbirlər görüləcək və ehtiyat qatarlar cəlb olunacaq. N.Paşayev əlavə edib ki, oyun keçirilən gün saat 18:00-dan etibarən sərnişin axını tam nəzarətdə olacaq.