Metro stansiyası yaxınlığındakı partlayış qorxuya səbəb oldu

İstanbulun Bağçılar rayonunda yeraltı telefon kabel xəttlərində partlayış baş verib. Avtosfer.az-ın salamnews-a istinadən verdiyi xəbərə görə, "Mahmutbey" metro stansiyasına çox yaxın ərazidə baş vermiş partlayışın səsi insanlar arasında çaxnaşma yaradıb. Partlayış nəticəsində ətrafa yayılan tüstü hamını təşvişə salıb. Hadisə yerinə polis, yanğınsöndürənlər və xilasedicilər cəlb edilib. Hadisə şahidinin sözlərinə görə, partlayış ilk öncə yol kənarındakı kabel qutusunda,daha sonra isə yerin altındakı kabellərdə baş verib: "6-7 partlayış baş verdi. Hamı təşvişə düşmüşdü, polis bölgədə təhlükəsizlik tədbirlərini artırıb".