Metro yaxınlığında bıçaqlanma olub  

Bakının Nəsimi rayonunda yerləşən parkda bıçaqlanma hadisəsi baş verib. Avtosfer.az "Report"a istinadən xəbər verir ki, metronun Memar Əcəmi stansiyasının yaxınlığında 1991-ci il təvəllüdlü Məmmədov Elgiz Tofiq oğlu naməlum şəxs və ya şəxslərlə əlbəyaxa dava edib və nəticədə bıçaqlanıb. Yaralı təcili yardım xidməti vasitəsilə xəstəxanaya yerləşdirilib. Həkimlər onun vəziyyətini orta-ağır kimi qiymətləndirir. Faktla bağlı Nəsimi Rayon Polis İdarəsinin 19-cu Polis bölməsinin əməkdaşları hadisə yerinə cəlb edilib.