Metroda gedişhaqqı artacaqmı? - RƏSMİ AÇIQLAMA

Mətbuatda yenidən metroda gedişhaqqı qiymətinin artacağı ilə məlumat yayılır. Azadlıq radiosunun hesablamasında deyilir ki, gəlir və xərc nəzərə alınmaqla, bir sərnişinin daşınması metropolitenə 82,4 qəpiyə başa gəlir. Avtosfer.az xəbər verir ki, açıqlanan xərclər nə dərəcədə doğrudur? Metroda gedişhaqqı artırılacaqmı? Bu sualları cavablandıran "Bakı Metropoliteni" QSC-nin mətbuat xidmətinin rəhbəri Nəsimi Paşayev qaynarinfo.az-a bildirdi ki, açıqlanan rəqəmlər cəfəngiyatdır:

"Bakı Metropoliteni olaraq, biz Tarif Şurasına qiymətin artırılması ilə bağlı müraciət etməmişik. Tarif Şurasına müraciət edilməmiş qiymətlər artırıla bilməz. O ki, qaldı bir sərnişin daşınması üçün xərcin 82,4 qəpik olmasına, bu rəqəm cəfəngiyatdır. Hesablama palatası hər ilin sonunda bununla bağlı rəsmi rəqəmləri açıqlayır. Palata 2015-ci ildə bir sərnişinin daşınmasına çəkilən xərci 54 qəpik göstərmişdi. Cari ilin sonunda bu il bir sərnişin daşınmasına çəkilən xərc açıqlanacaq".