Metroda qatar işləmədi, növbə yarandı

Bu gün səhər saat 09:00 radələrində metronun “Həzi Aslanov” stansiyasında 9 saylı marşrut üzrə hərəkət edən qatarda nasazlıq yaranıb. Bu barədə “Qafqazinfo”ya məlumatı "Bakı Metropoliteni” QSC-nin mətbuat xidmətinin rəhbəri Nəsimi Paşayev verib. Onun sözlərinə görə, hərəkət edə bilməyən qatar başqa bir qatara qoşularaq xətdən çıxarılıb. “Bu səbəbdən stansiyada bir müddət gecikmə olub, qatarların qrafiki pozulub. Digər stansiyalarda sərnişinlərin gözləməməsi üçün bəzi tədbirlər gördük. Məsələn, “Əhmədli” stansiyasından 3 qatar, “Neftçilər” stansiyasından da 1 qatarı təkrar “28 May” stansiyası istiqamətinə göndərmişik”.