Metroda törədilən terrorun təşkilatçılarından biri günahını etiraf edib

Sankt-Peterburqda metroda törədilən terrorun təşkilatçılarından biri Əbror Əzimov günahını etiraf edib. Avtosfer.az “Report”a istinadən xəbər verir ki, bunu aprelin 18-də Moskvanın Basmann rayon məhkəməsində onun vəkili Armen Zadoyan bildirib. Vəkil detalları dəqiqləşdirməyib. Xəbərdə tezliklə şübhəlinin məhkəməsinin keçiriləcəyi bildirilib. Xatırladaq ki, bu il aprelin 17-də Rusiya Federal Təhlükəsizlik Xidmətinin əməkdaşları Moskvada 1990-cı ildə Orta Asiyada anadan olan Əbror Axraloviç Əzimovu tutub. O, aprelin 3-də Sankt-Peterburqda metroda törədilən terrorun təşkilatçılarından sayılır. Metrodakı terror nəticəsində 15 nəfər (terrorçu-kamikadze ilə birlikdə) ölüb, 50-dən çox insan yaralanıb.