Metronun qarşısında 21 yaşlı oğlanı öldürən şəxs təslim oldu

Bakıda metronun “Memar Əcəmi” stansiyası qarşısında 21 yaşlı oğlanı öldürən şəxs polisə təslim olub. Avtosfer.az apa-ya istinadən xəbər verir ki, 17 yaşlı Mirismayıl Hüseynov  könüllü olaraq Polis İdarəsinə gələrək təslim olub.

Qeyd edək ki, M.Hüseynov  dünən metronun "Memar Əcəmi" stansiyasının qarşısında 21 yaşlı Ələkbər Muxtarovu bıçaqla qətlə yetirərək hadisə yerindən uzaqlaşıb. Daha sonra Nəsimi Rayon Polis İdarəsinə könüllü təslim olan M.Hüseynov cinayəti törətdiyini boynuna alıb.

O, ilkin ifadəsində öldürdüyü şəxsin sosial şəbəkədə 13 yaşlı bacısı ilə danışaraq, görüşə dəvət etdiyi üçün bu hərəkəti etdiyini deyib.

Faktla bağlı araşdırma aparılır.