Metropoliten “Neftçilər”də təmirə başladı - FOTO

“Neftçilər” metro stansiyasının keçidlərində təmir işlərinə başlanılıb. Avtosfer.az xəbər verir ki, bu barədə Bakı metropolitenindən verilən məlumata görə, hazırda stansiyanın 2-ci vestibülünün keçidlərinin divarlarında istismar müddətini başa vurmuş örtük sökülür. Yeni layihəyə əsasən, keçidlərin divarlarında stansiyanın adına uyğun mozaik lövhələrin yaradılması nəzərdə tutulub.

Bu işlər yekunlaşdırıldıqdan sonra birinci vestibülün keçidlərinin təmirinə başlanılacaq. Təmir zamanı sərnişinlərin keçidlərdən istifadə etməsi üçün də şərait yaradılıb.

Qeyd edək ki, Bakı Metropoliteni QSC sədrinin təsdiqlədiyi tədbirlər planına uyğun olaraq, “Nizami” stansiyasının qatar yolu divarlarında mərmər örtüyün dəyişdirilməsinə də başlanılıb. 2-ci yolun köhnə mərmər örtüyü artıq sökülüb. Növbəti mərhələdə tor şəbəkə qurulacaq və yeni mərmər təbəqənin yığılmasına başlanılacaq.