“Mi-28” hərbi helikopteri məcburi eniş edib

Rusiyanın Suriyadakı hərbi bazasının “Mi-28” hərbi helikopteri məcburi eniş edib. Avtosfer.az “Report”a istinadən xəbər verir ki, bu barədə Rusiyanın Müdafiə Nazirliyi məlumat yayıb. Hadisə Suriyanın Hama əyalətində “Mi-28” helikopteri başqa bir “Mi-28”i müşayiət edərkən baş verib. Məcburi enişə səbəb kimi helikopterin nasaz olması göstərilib. Xəbərdə ekipaj üzvlərinin xəsarət almadıqları bildirilib. Onlar axtarış-xilasetmə əməliyyatı nəticəsində tapılaraq aerodroma çatdırılıblar. Helikopterə baxış keçirilib, atəş izi aşkarlanmayıb.