Mikroavtobus minaya düşüb, 14 sərnişin ölüb

Somalinin Aşağı Şabelle regionunda mikroavtobusun minaya düşməsi nəticəsində azı 14 nəfər ölüb, bir neçə sərnişin yaralanıb. Bu barədə yerli polisə istinadən "Frans Press" məlumat yayıb. "On dörd dinc sakin, o cümlədən yeddi qadın Qolveyn yaşayış məntəqəsi yaxınlığında minanın partlaması nticəsində ölüb. İçərisində 21 nəfərin olduğu mikroavtobus minanın üzərinə çıxıb, insanların əksəriyyəti partlayış nəticəsində ölüb", - deyə polis nümayəndəsi İbrahim İsaq bildirib.

"Report"