Mikroavtobusda 9 insan cəsədi aşkarlanıb

Meksika polisi Xalapa şəhərindəki küçələrdən birində atılmış mikroavtobusda qətlə yetirilmiş 9 nəfərin cəsədini aşkarlayıb. Avtosfer.az "Report"a istinadən xəbər verir ki, cəsədlərdən əlavə mikroavtobusda regionun İctimai Təhlükəsizlik Nazirliyi rəhbərliyinin ünvanına təhdid dolu müraciət də aşkarlanıb. Kütləvi divantutmanın təşkilatçıları haqqında informasiya yoxdur. Öldürülənlərin şəxsiyyəti araşdırılır.

Qeyd edək ki, ölkənin cənub-şərqindəki Verakrus ştatı ən təhlükəli regiona çevrilib. İctimai Təhlükəsizlik Milli Sistemi bildirib ki, 2011-ci ilin dekabrından 2017-ci ilin oktyabrına kimi 1,5 min qəsdən adamöldürmə cinayəti törədilib. Cinayətlərin əksəriyyəti ərazidə fəaliyyət göstərən narkoticarətçi qruplaşmalarla bağlıdır.