Minalanmış avtomobil partladıldı

Somalinin paytaxtı Moqadişuda nəzarət buraxılış məntəqəsində minalanmış avtomobil partladılıb. Avtosfer.az-ın salamnews-a istinadən verdiyi xəbərə görə, bu barədə “Sinhua” agentliyi məlumat yayıb. Bildirilib ki, polislər tərəfindən baxış keçirilməsi üçün saxlanılmış avtomobil partlayıb. Hüquq mühafizəçiləri və şahidlərin sözlərinə görə, partlayışın ardınca atışma başlayıb. Hələ ki, regionda fəaliyyət göstərən qruplaşmalardan heç biri hadisəyə görə məsuliyyəti üzərinə götürməyib.