Minalanmış avtomobil partladıldı: 50 ölü, 100-dən çox yaralı

Somalinin paytaxtı Moqadişoda törədilən terror aktı nəticəsində 50 nəfər ölüb, 100-dən çoxu yaralanıb. Avtosfer.az Rusiya mətbuatına istinadən xəbər verir ki, bunu Ağ Evin rəsmi nümayəndəsi Ned Prays bəyan edib. “ABŞ Somalinin paytaxtı Moqadişo şəhəri yaxınlığında törədilən, 50 nəfərin ölümü, 100-dən çox insanın yaralanması ilə nəticələnən terror aktını qətiyyətlə pisləyir”, deyə N.Prays qeyd edib. Bundan əvvəl Reuters agentliyi 29 nəfərin öldüyünü bildirirdi.

Qeyd edək ki, dekabrın 11-də Moqadişoda minalanmış avtomobil partladılıb. Törədilən terror aktına görə məsuliyyəti “Əş-Şəbab” terror qruplaşması öz üzərinə götürüb.