Mingəçevirdə evləri sel basdı – FOTO

Ötən gecədən başlayaraq aramsız yağışlar Mingəçevir şəhərində fərdi yaşayış evlərinə sel sularının dolması ilə nəticələnib. 

Avtosfer.az report-a istinadən xəbər verir ki, Yevlax Suvarma Sistemləri İdarəsinə məxsus Havarlı Suvarma kanalının daşması ilə Mingəçevirin Günəşli bağlar massivindəki həyətyanı evlər palçıq-lil içərisində qalıb. Sel nəticəsində sakinlərin evləri, həyətyanı sahələri, tərəvəzləri yararsız vəziyyətə düşüb. 

Evlərin içərisini, zirzəmisini palçıqlı su basıb. Yaranmış palçıq topasını sakinlər gecə saatlarından təmizləməyə başlayıblar. Kanalizasiya xətləri palçıqla dolub. Mingəçevir Mənzil Kommunal Təsərrüfatı İstehsalatı Birliyinin əməkdaşları səhər saatlarından fəsadların aradan qaldırılması istiqamətində çalışırlar. Sel suları fərdi yaşayış evlərindən su motorları vasitəsilə çəkilib, həmçinin kanalların lildən təmizlənməsi işləri həyata keçirilib.