Minlərlə insan hava limanında gecələdi - Qarlı və küləkli hava səbəbindən

Yaponiyanın Xokkaydo adasında 6 mindən artıq insan qarlı və küləkli hava səbəbindən 2 gündür ki, hava limanında qalıb. Avtosfer.az Rusiya mətbuatına istinadən xəbər verir ki, "Yeni Titosye" aeroportunda sakinlər havanın sabitləşməsini gözləyir.

Sapporoda 54 ildə ilk dəfədir ki, 96 sm qalınlığında qar yağıb. 1966-cı ilin dekabrından bəri belə şaxtalar qeydə alınmayıb. Hava limanında 287 reys təxirə salınıb. 

Hava nəqliyyatı ilə yanaşı 262 dəmir yolu reysi də təxirə düşüb. Sakinlər otellərə gedə bilmədiyi üçün gecəni vağzallarda keçirməli olub.

Hava limanının rəhbərliyi sakinləri adyal və yataq dəsti ilə təmin etmək üçün güc strukturlarına müraciət edib.