Miqrant avtobusu hədəf alındı: 20 ölü

Suriyanın Hələb şəhərində miqrantları təxliyə edən avtobus kortejinin yaxınlığında partlayış baş verib. Avtosfer.az axar.az-a istinadən xəbər verir ki, Rəşidin məhəlləsində həyata keçirilən partlayışın kamikadze hücumu olduğu ehtimal edilir. İlkin məlumata görə, olayda 20 nəfərə yaxın insan həlak olub. Qeyd edək ki, həmin avtobuslarda Fua və Kefraya bölgəsindən olan qaçqınlar təxliyə edilirdi. Terror aktı ilə bağlı məsuliyyəti heç bir qruplaşma öz üzərinə götürməyib.