Misirdə sərnişin təyyarəsi qaçırıldı - VİDEO - YENİLƏNİB

Misirdə aid sərnişin təyyarəsi qaçırılıb. APA-nın “Reuters”ə istinadən verdiyi xəbərə görə, təyyarə İsgəndəriyyədən Qahirəyə uçurmuş. İçərisində 81 sərnişini olduğu bildirilən təyyarə Cənubi Kiprin Larnaka hava limanına endirilib.

***

"EgyptAir" aviaşirkətinə məxsus qaçırılmış təyyarənin yerli sərnişinləri azad edilib. "Report" xarici KİV-ə istinadən xəbər verir ki, təyyarənin göyərtəsində yalnız ekipaj üzvləri və daha 4 əcnəbi vətəndaş qalıb. Azad olunan sərnişinlər artıq layneri tərk edib və təhlükəsiz yerə aparılıb. Daha əvvəl təyyarəni qaçıran naməlum şəxslərin 50 qadın və uşağa layneri tərk etmək imkanı yaradacağı bildirilirdi. "Əl Ərəbiyyə" telekanalının məlumatına görə, təyyarəni qaçıran şəxs yalnız Misir vətəndaşı olan sərnişinlərə layneri tərk etməyə icazə verib.