Moldova mətbuatında BTQ haqqında məqalə dərc olunub

Moldovanın aparıcı xəbər portalı və böyük oxucu auditoriyasına malik olan Tribuna.md saytında Bakı-Tbilisi-Qars dəmir yolunun açılışı, ölkəmiz və region üçün geosiyasi və geoiqtisadi əhəmiyyəti, texniki xüsusiyyətləri və gələcək perspektivləri barədə məqalə dərc olunub.

Avtosfer.az-ın APA-ya istinadən xəbərinə görə, məqalədə Bakı-Tbilisi-Qars dəmir yolu Avropa ilə Asiya arasında yeni körpü adlandırılıb. Yazıda müəllif prezident İlham Əliyevin sözlərinə istinad edərək, Bakı-Tbilisi-Qars dəmir yolunun regional səviyyədə tarixi hadisə olduğunu vurğulayıb. Bu layihənin ABŞ və Avropa İttifaqı tərəfindən dəstəkləndiyi qeyd edilib.

Sonra məqalədə Türkiyənin Prezidenti Rəcəb Tayip Ərdoğan, Gürcüstanın baş naziri Qeorqi Kvirikaşvili, Azərbaycanda ABŞ və Avropa İttifaqının səfirlərinin Bakı-Tbilisi-Qars dəmir yolu ilə bağlı fikirləri yer alıb.