Moskvaya uçan "Boeing" məcburi eniş etdi

Petropavlovsk-Kamçatkadan Moskvaya uçan "Aeroflota" məxsus "Boeing-777" təyyarəsi Novosibirskin "Tolmaçevo" hava limanında məcburi eniş edib. Avtosfer.az-ın Trend-ə istinadən məlumatına görə, aviaşirkətin nümayəndəsi bildirib ki, təyyarə havaya qalxdıqdan sonra sərnişinlərdən birinin səhhətində problem yaranıb. Nümayəndə deyib: "Bu səbəbdən ekipaj heyəti təyyarənin dərhal eniş etməsi barədə qərar qəbul edib".