“Moyka”da qanlı dava - 3 bıçaq zərbəsi

Dünən Bakıda yerləşən avtoyuma məntələrindən birində qanlı hadisə baş verib. Avtosfer.az Lent.az-a istinadən xəbər verir ki, Xətai rayonu ərazisində, F.Bayramov küçəsi 6 ünvanında Goranboy rayon sakini, 1986-cı il təvəllüdlü Nəcəfov Vüsal Sədrəddin oğlu bıçaqlanıb. Qarın və kürək nahiyəsindən 3 bıçaq xəsarəti alan 30 yaşlı şəxs Kliniki Tibbi Mərkəzə yerləşdirilib. Reanimasiya şöbəsində əməliyyat olunan V.Nəcəfovun vəziyyəti ağırdır və dindirilməsi mümkün deyil.

Hadisəni törədən 1991-ci il təvəllüdlü Əsgərov Namiq Şərif oğlu tutulub. Faktla bağlı cinayət işi başlanıb.