Müəllimə də, müğənni də cərimə edilib: DYP-dən AÇIQLAMA

Bakı şəhər Dövlət Yol Polisi İdarəsinin bölmə rəisi Vaqif Əsədov müğənni Nura Suri və BDU-nun müəllimi Sevinc Əliyevanın maşınının cərimə meydançasına aparılmasına, onlardan birinin cərimə ödəmədən orani tərk etməsinə münasibət bildirib. Onun sözlərinə görə, Yasamal rayonunda dayanmaq qadağındır nişanının tələbini pozduğu üçün 90 ... 423 dövlət nömrə nişanlı  “Hyunday i20” markalı avtomobil duracağa aparılıb. Həmin avtomobilin sürücüsü Əliyeva Sevinc İsrafil qızı həqiqətən də məsuliyyətə cəlb edilərək barəsində  İXP 1309045 saylı protokol tərtib edilib.

“Eyni zamanda Nəsimi rayonu Süleyman Rəhimov və Feyzulla Qasımzadə küçələrinin kəsişməsində 90 ... 006 dövlət nömrə nişanlı “Porshe” markalı avtomobil də dayanma-durma qaydalarını pozduğu üçün duracağa aparılıb.

Sevinc xanımın iddiası doğru deyil. Çünki Suri Aynurə Qəzənfər qızı adına da KYP 643679 saylı protokol tərtib edilib. 

İndi müğənni Nura Surinin cəriməni ödəyib-ödəməyəcəyi onun məsuliyyətidir".

V. Əsədov bir daha qeyd edib ki, hər iki xanımın pozduğu qayda eyni statusludur və hər ikisinə yuxarıda nömrələri göstərilmiş protokollar yazılıb: "Bununla bağlı deyilənlərin əsası yoxdur. Çünki hər ikisinə cərimə yazılıb. Görüntülər və səs yazısı da təsdiq edir ki, orada heç bir təhqir və qanunsuz hərəkət olmayıb".

Orxan