Müğənninin maşınını soydular - “Narkomanlar edə bilər...”

Keçmiş “N – brothers” qrupunun solisti, müğənni Vüsal Hacıyevin başına iş gəlib. Gənc ifaçı rəsmi instaqramda foto paylaşaraq avtomobilinin qarət olunduğunu bildirib. “Səhər-səhər maşınımı “şumon” ediblər” başlıqlı fotoda maşının pəncərələrinin sındırıldığı, müğənninin ziyana düşdüyü məlum olub. V. Hacıyev qarətlə bağlı “Qafqazinfo”ya danışıb: “Hadisə ötən gücə Nərimanov prospekti ərazisində, evimin qarşısında baş verib. Avtomobilimin şüşəsini sındırıblar, talayıblar. Oğrular axtarış ediblər, fotoaparatımı götürüblər, amma sənədlərimə toxunmayıblar. Hücumla bağlı 26-cı bölməyə müraciət etmişəm. Konkret olaraq heç kəsdən şübhələnmirəm. Bu ərazidə narkomanlar çoxdur. Onlardan biri edə bilər. Kamera olmadığı üçün bir az məsələ çətindir”.