Naxçıvan marşrutu ilə 7 min sərnişin daşındı

İyul ayında Naxçıvan-Bakı-Naxçıvan avtobus marşrutu üzrə Naxçıvandan Bakıya 3 min 252, Bakıdan Naxçıvana isə 3 min 734 sərnişin daşınıb.

Naxçıvan Muxtar Respublikası Nəqliyyat Nazirliyinin mətbuat xidmətindən Avtosfer.az-a bildirilib ki, muxtar respublika daxilində sərnişindaşıma xidmətinin səviyyəsi daha da yüksəldilib, fəaliyyətdə olan 139 xətdə (305 avtobus) rayon mərkəzləri və kəndlərin hamısı marşrutla təmin edilib.

Nəqliyyat Nazirliyinin reyd komissiyası Nəqliyyat müfəttişliyi və təhlükəsizlik şöbəsi ilə birlikdə reydlər keçirib, sərnişindaşıma ilə məşğul olan avtonəqliyyat vasitələrinin təmizliyinə, sürücülərin geyim formasına, şəhərdaxili və rayonlararası marşrutlarda hərəkət qrafikinə nəzarəti artırıb.