Naxçıvanlı sürücü İranda faciəli şəkildə öldü

Naxçıvan sakini, 53 yaşlı Axundov Bəxtiyar Səttar oğlu İranda ağır yol qəzası nəticəsində həlak olub. Avtosfer.az-ın məlumatına görə, ağır tonnajlı yük maşını ilə İran ərazisindən keçməklə Naxçıvana yanacaq daşıyan Bəxtiyar Axundovun idarə etdiyi avtomobil İranda «Nənəmvay» yoxuşu adlanan ərazidə uçurumdan düşüb. Belə ki, avtomobil yoxuşu qalxarkən əyləc sistenmi sıradan çıxıb. Maşının uçuruma yuvarlandığını görən B.Axundov dərhal özünü yerə atıb. Bu zaman 40 tonluq yük maşını onun üstündən keçib və 500 metr dərinlikdəki dərəyə yuvarlanıb. Sürücü hadisə yerində həlak olub.

Əldə etdiyimiz məlumata görə, İran tərəfi sığorta və başqa məsələləri əsas gətirərək sürücünün meyitini Azərbaycana vermək istəmirmiş. Azərbaycanın İrandakı konsulluğu məsələyə qarışandan sonra meyit 3 gündən sonra Azərbaycana gətirilib. 

Elmin