Nəqliyyat deposu uçdu – 8 ölü

Hindistanın Tamilənd ştatında nəqliyyat deposunun uçulması nəticəsində 8 nəfər həlak olub, daha 3 nəfər xəsarət alıb. Avtosfer.az-ın Trend-ə istinadən məlumatına görə, hadisə Porayar yaşayış məntəqəsi yaxınlığında gecə saatlarında baş verib. Hadisə zamanı depoda yalnız növbədən qayıtmış avtobus sürcülərinin, konduktorların olduğu bildirilir. Deponun hansı səbəbdən dağılması ilə bağlı dəqiq məlumat yoxdur. Polisin ilkin ehtimalına görə, səbəb son günlər ştatda yağan aramsız yağışlar ola bilər. Belə ki, güclü yağışlardan sonra torpaqda sürüşümələr baş verib. Bununla belə depo yerləşən binanın 60 illik tarixi olduğu da vurğulanır, belə ki, bina 1952-ci ildə tikilib.