Nəqliyyat vasitəsindən siqaret müsadirə edilib - 5520 ədəd

“Sınıq Körpü” gömrük postunda gömrükçülər 5520 ədəd siqaret müsadirə ediblər.

Dövlət Gömrük Komitəsindən Avtosfer.az-a verilən məlumata görə, Tovuz Gömrük İdarəsinin Gömrük hüquqpozmalarına qarşı mübarizə şöbəsinə daxil olan məlumat əsasında idarənin “Sınıq Körpü” gömrük postunun idxal nəzarəti zonasına Gürcüstan istiqamətindən daxil olan “NAZ Lifan” markalı minik avtomobilinə gömrük baxışı keçirilib.

Yoxlama zamanı Azərbaycan vətəndaşının idarə etdiyi avtomobilin yük yerindən və salonundan gömrük nəzarətinə bəyan edilməyən, üzərində Azərbaycan Respublikasının aksiz markası olmayan 5520 ədəd siqaret aşkar edilib.

Faktla bağlı araşdırma aparılır.