Novruz karvanı Bakının mərkəzindən “Atəşgah”a yola düşüb - VIDEO

Bakı Şəhər İcra Hakimiyyəti “İlaxır çərşənbə” gününü təntənəli şəkildə qeyd edir. Bakı metropoliteninin “İçərişəhər” stansiyası yanındakı ərazidən Novruz personajları olan Dədə Qorqud, Bahar qızı, Kosa, Keçəl musiqi qruplarının, həmçinin dəvələr, süvarilər və faytonların müşayiəti ilə böyük karvan Suraxanı “Atəşgahı”na yollanıb. Bayram karvanı deyilən ərazidən hərəkətə başlayaraq İstiqlaliyyət küçəsi ilə “Beşmərtəbə” dairəsi, Heydər Əliyev Sarayının yanından keçməklə metronun “Sahil” stansiyası, Hökumət evi, Ali Məhkəmənin qarşısından hərəkət edib Heydər Əliyev prospektinə çıxacaq və metronun “Koroğlu” stansiyasından Hava Limanı avtomagistralı ilə Suraxanı “Atəşgahı”na gedəcək. 

“Atəşgah”dan od götürən bayram karvanı Gənclər meydanına gələcək, bayram tonqalını alovlandıracaq və Dədə Qorqudun Novruz xeyir-duası ilə axşam incəsənət ustalarının iştirakı ilə bayram konserti və atəşfəşanlıq təşkil ediləcək.

Avtosfer.az videoblogger Bilal Nuriyevin hazırladığı görüntüləri təqdim edir: