Olimpiya çempionu yol qəzasında öldü

2006-cı il Turin Qış Olimpiya Oyunlarında şort-trek növündə qızıl medal qazanmış cənubi koreyalı O Se Con yol qəzası nəticəsində həyatını itirib. Avtosfer.az "Report"a istinadən məlumatına görə, hadisə Seul şəhərində baş verib. 33 yaşlı idmançının idarə etdiyi motosikl yolda dönməni yerinə yetirən avtomobillə toqquşub.

Qeyd edək ki, O Se Con idmançı karyerasını 2016-cı ildə başa vurmuşdu.