Ölkədən çıxışına qadağa qoyulanların 45,5 mln. manat borcu var - VİDEO

596 vətəndaşın Azərbaycandan çıxmasına məhdudiyyət qoyulub. Vergi borcu olanlardan 283-ü fiziki şəxs, 313 nəfəri isə hüquqi şəxsin icra orqanı rəhbərləridir. Bu şəxslərin ümumilikdə dövlət büdcəsinə 45 milyon 460 min 755 manat vergi borcu var. Vergilər Nazirliyinin baş idarə rəisinin müavini Rəsul Hüseynov həmin şəxslərə bütün lazımi məlumatlandırma və xəbərdarlıq  prosedurlarının həyata keçirildiyini qeyd edir. Xəbərdarlıqlara məqsədli şəkildə məhəl qoymayan vergi ödəyicilərinin bank hesablarına sərəncamlar qoyulur, əmlakları siyahıya alınıb hərraclarda satışı həyata keçirilir, avtomobillərinə həbs qoyulur və ya ölkədən getməsinə  məhdudiyyət qoyulur. Şəxsin ölkədən getməsinə məhdudiyyət qoyulması üçün vergi borcunun miqdarı təxminən 10 min manat olmalıdır.