Ordumuz bir erməni hərbçisini məhv etdi

Cəbhədə erməni hərbçi vurulub. Avtosfer.az anspress-ə istinadən bildirir ki, əsgər ötən gün axşam saatlarında güllə yarasından dünyasını dəyişib. 

1996-cı il təvəllüdlü Martirosyan Armen Qrayroviç gecə boyunca cəbhənin şimal istiqamətində ordumuzun mövqeləri atəşə tutularkən vurulub. 

Xatırladaq ki, may ayının 9-da isə Azərbaycanın işğal altında olan ərazilərində, təmas xəttində baş verən atışma zamanı erməni generalın qardaşı yaralanıb. 32 yaşlı Artur Saroqyan xəstəxanaya çatdırılıb. Onun vəziyyətini həkimlər ağır qiymətləndirirlər.

O, könüllü kimi aprel ayında başlayan döyüşlərdən sonra Qarabağa yollanıb. Məlumata görə, A.Saroyan Ermənistan Milli Yığıncağı - parlamentinin deputatı, general Seyran Saroyanın yaxın qohumudur.

General Saroyan birinci Qarabağ müharibəsi zamanı dinc azərbaycanlı əhaliyə qarşı xüsusi qəddarlığı ilə seçilib. 

Axırıncı dəfə erməni əsgər aprelin 30-da vurulmuşdu. Həmin gün Ermənistan ordusunun 2 hərbi qulluqçusu ölüb. Ölüm faktı cəbhə xəttinin şimal istiqamətində - Talış kəndində qeydə alınıb. Atışma nəticəsində hərbi qulluqçular Qarik Movsisyan (1997-ci il) və Vazqen Arutyunyan (1968-ci il) öldürülüblər.