Orta yaşlı kişi küçədə bıçaqlanıb - Bakıda

Bakının Sabunçu rayonunda baş vermiş dava zamanı bir nəfər bıçaq xəsarəti alıb. Avtosfer.az "Report"a istinadən xəbər verir ki, hadisə Ramana qəsəbəsində, Şuşa şəhərciyində baş verib. 1983-cü il təvəllüdlü Hüseynov Zöhrab Şamil oğlu küçədə tanımadığı şəxslə əlbəyaxa dava edib. O, naməlum şəxsin bıçaqla hücumuna məruz qalıb. Nəticədə Z.Hüseynov kürək nahiyəsindən iki bıçaq xəsarəti alıb.  Yaralı 3 saylı Kliniki Tibbi Mərkəzə yerləşdirilib. Faktla bağlı Sabunçu Rayon Polis İdarəsi araşdırma aparır.