Ötən gün 4,5 minə yaxın miqrant xilas edilib - Aralıq dənizində

 Son sutka ərzində Aralıq dənizinin Siciliya körfəzi zonasında Şimali Afrikadan Avropaya getmək istəyən 4,5 minə yaxın miqrant xilas edilib. Avtosfer.az "report"a istinadən xəbər verir ki, bu barədə çərşənbə axşamı İtaliyanın Sahil Mühafizəsi məlumat verib.

Sahil Mühafizəsinin operativ mərkəzinin məlumatına görə, təqribən 30 xilasetmə əməliyyatının həyata keçirilməsində İtaliyanın Hərbi Dəniz Qüvvələri və Sahil Mühafizəsinin gəmi və katerləri, həmçinin Avropa İttifaqının Xarici Sərhədlərinə Nəzarət Agentliyi "Frontex"in qüvvələri iştirak ediblər.

Təkcə Sahil Mühafizəsinin "Diciotti" gəmisi çərşənbə axşamı batmaq təhlükəsi ilə üzləşmiş 1104 qaçqını xilas edib.