Oyunlarla bağlı yollarda nə dəyişəcək? — DYP və BNA açıqladı - VİDEO

IV İslam Həmrəyliyi Oyunlarının açılış və bağlanış mərasimləri günü, yəni 12 və 22 may tarixlərində paytaxtın bəzi küçə və prospektlərində nəqliyyatın hərəkəti məhdudlaşdırılacaq. Mayın 25-nə kimi oyunlar zolağına qanunsuz girən nəqliyyat vasitələrinə qarşı tədbirlər də davam etdiriləcək. 12 may və 22 may tarixlərində Bakıətrafı kənd və qəsəbələrdən daxil olan 29 marşrut xətti üzrə avtobusların da hərəkətində dəyişiklik olacaq.

Həmin günlərdə 1 və 13 saylı marşrutların fəaliyyəti saat 16:00-da dayandırılacaq. Həmçinin tamaşaçıların daşınması üçün 3 xüsusi ekspress marşrutu üzrə 228 nəqliyyat vasitəsi ayrılıb.

IV İslam Həmrəyliyi Oyunlarının açılış və bağlanış mərasimləri günlərində marşrut avtobusları və metro stansiyaları gecə saat 02:00-a qədər fəaliyyət göstərəcək. Ehtiyac yaranarsa, marşrutların iş vaxtı artırılacaq.